Përfundimi i projektit "Trajnime të personelit shëndetësor lidhur me situatën e COVID-19"
Fondacioni Grow Albania përfundoi trajnimet e realizuara në disa prej materniteteve të Tiranës per projektin "Covid-19 Training".
Ky projekt kishte si synim trajnimet e stafit mjekësor të këtyre spitaleve, për t'i udhëzuar për mënyrën që duhet të ndjekin në lidhje jo vetëm me pajisjet mbrojtëse personale, të cilat janë themelore për të zvogëluar ekspozimin e drejtpërdrejtë me personat fizikë apo edhe me agjentët biologjikë, me evidentimin dhe menaxhimin e rasteve të konfirmuar, dhe jo vetëm.
- Paketa e trajnimeve ka patur për qëllim njohjen dhe përvetësimin e koncepteve të mëposhtme:
- Përkufizimi i Rastit për Survejancën e COVID-19
- Njohjen e kritereve klinike dhe epidemiologjike
- Procedura e njoftimit dhe hetimit për të gjitha rastet e dyshuara, mundshme dhe të konfirmuara me COVID – 19
- Përkufizimi i kontaktit dhe raportimi i tyre
- Marrja, ruajtja dhe transportimi i mostrave si dhe klasifikimi i tyre (mostra respiratore dhe mostra serologjike)
- Masat paraprake higjenike
- Menaxhimi i rastit
- Menaxhimi i kontakteve dhe personave të ekspozuar ndaj një rasti të ekspozuar dhe të mundshëm
- Menaxhimi i një rasti të konfirmuar
- Menaxhimi i kontakteve dhe personave të ekspozuar asimptomatikë ndaj një rasti të konfirmuar
- Trajtimi i rastit të konfirmuar pozitiv
- Kujdesi i vazhdueshëm për masat higjeno – sanitare/masa izolimi
Ky projekt i realizuar me mbështetjen e AMSHC- AGJENCIA PËR MBËSHTETJEN E SHOQËRISË CIVILE, besojmë që ka qenë i sukseshëm për rritjen e informacionit dhe mënyrën e komunikimit sa më të kujdesshëm midis stafit dhe pacientëve në këtë periudhë pandemie.
